Geguritan

 KERUKUNAN

(Sunardi KS)

Kerukunan iku kaya unine siter
Senajan saka senar kang beda-beda
Nuwuhake endahe wirama
Yen kabeh yaga kudu nyuwawra
Tanpa genti-genten menehi kalodhangan liyan
Ora bakal nuwuhake lagu
Kang kapenak dirungu

Kerukunan iku kaya kartika ing aksara
Nduweni papan kang merdika
Kerukunan iku kaya rmbulan lan bagaswara
Ngayehi jejibahan kang ora padha

Kerukunana iku kaya driji-driji tangan lima
Yen salah sawiji sulaya
Ora bakal nduweni daya

Kerukunan iku kaya hawa
Kang tansah mlebu-mlebu bolongane grana
Tanpa ngawistara

Sumber: Puataka Candra, April 2006